اتهامات جديدة ضد جامعة التكواندو

نشر بطل التايكواندو أنور الخرصة الذي هاجر المغرب عبر قوارب الموت ووصل إلى اسبانيا حيث شارك في منافسة محلية رفقة فريق اسباني، تغريدة على الفايسبوك قال فيها، بأن هناك من اتصل من المغرب بمدربه وبفريقه الاسباني وبالجامعة الاسبانية لحثهم على منعه من المشاركة في أي منافسة، كما نفى تخليه عن الجنسية المغربية، وقال “بغاو يهرسوني من جديد من بعد ماهرسو الأحلام ديالي و أنا في سن مبكر في المغرب”.

نص التغريدة كاملة:

البارح كنت باغي ندير فيديو نوضح فيه هاد القضية ديال المسؤولين في الجامعة و الناس لي كاتهاجمني و لكن لقيت بلي مايستاهلوش … المهم من بعد الموضوع لي دار ضجة في الفايسبوك بلي أنوار بدل الجنسية و هاد الهدرة مامنها والو فأنا لعبت على نادي محلي فقط و لكن البارح كانتفاجئ أنا و المدرب ديالي بعدد كبير من الإتصالات من المغرب كايوقفو ضدي و كايقولو بلي ماعنديش الحق نلعب التايكواندو وبغاو يهرسوني من جديد من بعد ماهرسو الأحلام ديالي و أنا في سن مبكر في المغرب و كايقولو بالحرف “علاش خليتوه يلعب ماخصكومش تخليوه يلعب البطولة ” و وصلات بيهم يتاصلو بالجامعة الإسبانية و يعتارضو و خلات الجامعة تعيط المدرب ديالي و كاتقولو شنو السبب لي عند أنوار لي خلا هاد بنادم كامل يتصل بنا وخلقت مشكل للمدرب و الحمد لله فهمناهم الموضوع وخلاوني نلعب من جديد ..

و لكن الحمد لله غير ملي وصلات بيكم ديرو هادشي كامل على ودي و ماغاديش توصلو لداكشي لي بغيتو و أنا الحمد لله حاليا قانوني في إسبانيا و مابقيتش واحد حارگ كيف قلتو ليهم ههه و مزال غادي نلعب التايكواندو حتى آخر عرق عندي ماشي باش نولي بطل العالم حيث كانحب هاد الرياضة فقط للمتعة أما راه مستقبلي أهم من كل شيء و راه ضريتكم و مزال غادي نضركم حيت نتوما لي بغيتو يا … مسؤولين عرفت في حياتي و للحديث بقية نفرشخو هاد الرمانة رفعت الجلسة 🤪🤙🏻💪”

error: Content is protected !!